គូស្នេហ៍វ័យក្មេងមួយគូដែលភាគីបុរសជាមន្រ្តីរាជការ និង នារីជាអ្នកបម្រើការនៅភោជនីដ្ឋានមួយត្រូវល្បីឈ្មោះភ្លាមៗដោយសារតែ ក្រោយ
ពេលផឹកស៊ីស្រវឹងមិននាំគ្នាចូលផ្ទះសំណាក់ឬសណ្ឋាគារទេតែបែរជាជិះរថយន្ដទៅចតក្នុងដីវាលស្ងាត់មួយកន្លែងហើយនាំគ្នាទៅឡើងឋាន សួ គ៌ា ដើម្បីកៀងទាអាឡេវហើយជ្រួលទាំងកាយអាក្រាតរហូតដល់ថ្ងៃរះចាំងគូថ ។ ពេលនោះមានអ្នកភូមិ២-៣នាក់ ដោយហេតុតែមានការសង្ស័ យទៅ លើរថយន្ដទំនើបមួយម៉ាក ហ្វត(Ford) ពាក់ស្លាក់លេខ រដ្ឋ២.0032 ដែលមកចត លើដីវាលដ៏ស្ងាត់ជ្រងំបែបនេះ ក៏នាំ គ្នាទៅអើតមើលស្រាប់តែភ្ញាក់ខ្លួន ព្រោះឃើញនៅក្នុងរថយន្ដនោះមានគូស្នេហ៍ ហេងស៊យមួយគូមានកាយអាក្រាត ននលគកដូចជន្លេនកំពុងដេកស្រមុកឱបគ្នាយ៉ាង ស្អិតដូចអត់ជំពាក់នណាមួយរៀល ។
ហេតុការណ៍គួរឱ្យភ្ញាក់ផ្អើលព្រោះឃើញជន្លេនក្នុងឡាននេះ បាន កើតឡើងកាលពីវេលាម៉ោងជិត ៧ ព្រឹកថ្ងៃទី១១ ខែមករា ឆ្នាំ២០១៣ នៅលើដីវាលស្ងាត់ជ្រងំមួយ ស្ថិតនៅខាង លិចឆៀងខាងត្បូងស្ថានីយវិទ្យុ និងទូរ ទស្សន៍អាស៊ីអាគ្នេយ៍ ក្នុងភូមិ-សង្កាត់ ទឹកថ្លា ខណ្ឌសែនសុខ ខណៈដែលថ្ងៃរះ ចាំងពន្លឺអ្នកស្រុកអ្នកភូមិចេញ ដំណើរទៅរកស៊ីព្រោងព្រាតនៅហើយនោះ ។
បុរសអ្នករត់ម៉ូតូឌុបម្នាក់ដែល មិនចង់រំខានដំណេកដ៏សុខសាន្ដរបស់ គូស្នេហ៍ទាំង២នេះក៏សម្រេចចិត្ដទូរស័ព្ទប្ដឹងទៅនគរបាលប៉ុស្ដិ៍ ទឹកថ្លាឱ្យមកជួយ មើល ។ ពេលនោះមន្ដ្រីនគរបាលមកដល់ បាន សម្រេចចិត្ដគោះទ្វាររថយន្ដដាស់ពួកគេឱ្យភ្ញាក់ឡើងកុំសម្ដែង ឫកអាក្រក់ កណ្ដាលវាលបែបនេះហើយបាននាំយកទៅសួរនាំនៅប៉ុស្ដិ៍ទឹកថ្លា ។ នៅចំពោះមុខសមត្ថកិច្ចភាគីបុរស បានប្រាប់ថា គាត់ឈ្មោះ ញ.ស.ផ អាយុ ២៩ឆ្នាំជាបុគ្គលិកធ្វើការនៅគម្រោងរបស់ធនាគាអភិវឌ្ឍអាស៊ី (ADB) ស្ថាប័នរដ្ឋមួយសព្វថ្ងៃមានទីលំនៅ សង្កាត់ផ្សារ ដេប៉ូទី១ ខណ្ឌទួលគោក រាជធានីភ្នំពេញ។ រីឯភាគីខាងស្រីបានអះអាងប្រាប់សមត្ថកិច្ចថា នាងឈ្មោះ ណ.ស.ក អាយុ២០ឆ្នាំ ជាមេការនាំភ្ញៀវនៅហាងសាច់អាំងយី ហោ៧៩ និងស្នាក់នៅផ្ទះជួលក្នុងភូមិ ស្លែងរលើង សង្កាត់ទឹកថ្លា ខណ្ឌសែនសុខ។
គូស្នេហ៍មួយគូនេះបានសារភាពថា ពួកគេបានផឹកស៊ីរហូតដល់យប់ជ្រៅ ហើយក្រោយមកស្រវឹងខ្លាំងពេកក៏នាំគ្នា ជិះរថយន្ដបម្រុងទៅដេកនៅផ្ទះសំណាក់ ឬសណ្ឋាគារ តែដោយងងុយដេកពេក ព្រោះស្រវឹងខ្លាំងខ្លាចបើករថយន្ដទៅមុខទៀតលែងរួចក៏សម្រេចបើកចូល ដីវាលនេះទៅ ។គូស្នេហ៍ទាំង២នាក់នេះបានសារភាព មិនលាក់លៀមទៀតថា បានជាពួកគេ ដេកលង់លក់ស្រួលមិនដឹងថ្ងៃរះចាំង ក្បាលនិងមានកាយអា ក្រាតបែបនេះគឺ មកពីស្រវឹងខ្លាំង និងរួមរ័កជាមួយគ្នា អស់កម្លាំងខ្លាំងពេកក៏ដេកលក់ទៅ ។
អធិការនគរបាល ខណ្ឌសែនសុខលោក ម៉ក់ ហុង បានអប់រំ និងព្រមានចំពោះគូស្នេហ៍មួយគូនេះកុំឱ្យប្រព្រឹត្ដអំពើអនាចារបែប នេះទៀត ព្រោះទង្វើនេះធ្វើឱ្យប៉ះពាល់ដល់សណ្ដាប់ធ្នាប់សាធារណៈនិងរំលោភលើ ប្រពៃណីដ៏រុងរឿងរបស់ខ្មែរយើង ។ បន្ទាប់មកគូស្នេហ៍មួយគូនេះត្រូវ នគ របាលខណ្ឌសែនសុខអនុញ្ញាតឱ្យវិល ត្រឡប់ទៅលំនៅឋានវិញ ។ ការពិតរឿងនេះវាជារឿងឯកជន ប៉ុន្តែវាជាទង្វើអនាចាព្រោះ ធ្វើសកម្ម ភាព នៅទីសាធារណៈ ដូច្នេះប៉ុលិសអាចមានសិទ្ធហៅមកអប់រំចឹងហើយ។ ប៉ុន្តែបើសិនជាបុរសនោះមានប្រពន្ធ និង ត្រូវមានទោសទាំងពីរនាក់ ពីបទសាហាយស្មន់ប្រសិនបើប្រពន្ធបុរសនោះប្តឹងតាមច្បាប់ឯកពន្ធភាព៕ meatophoum.com
