ក្រុង បូស្តុន : ប្រសិនបើលោកអ្នកមានចំណាប់អារម្មណ៍ឬចំណូលចិត្តផ្នែកសិល្បៈគំនូរ នោះស្នាដៃសិល្បៈដ៏ច្នៃប្រឌិតរបស់វិចិត្រករអាមេរិក កូរី ក័រកូរ៉េនប្រាកដជាធ្វើឲ្យលោកអ្នកពេញចិត្តពេញថ្លើមជាមិនខាន ឡើយ។
វិចិត្រករមានមូលដ្ឋាននៅក្រុងបូស្តុនរូបនេះបានយក រុក្ខជាតិផ្សិតមកកែច្នៃមកធ្វើជាផ្ទៃសម្រាប់គូរគំនូរជំនួស ក្រដាស ឬកំណាត់សំពត់ទៅវិញ និងរចនាជាស្នាដៃសិល្បៈវិចិត្រកម្មខ្លួនដែលមើលទៅដូចធម្មជាតិតែ ម្តង។
វាពិតជាមានលក្ខណៈល្អវិចិត្រដូចជាការគូសវាសលើ ក្រដាសគំនូរអ៊ីចឹងដែរ ប៉ុន្តែការគូសលើផ្សិតចាំបាច់ត្រូវប្រើបច្ចេកទេស និងទាមទារការសមាធិខ្ពស់ ដោយសារតែរុក្ខជាតិផ្សិតមានផ្ទៃទន់ ងាយខូច ឬរលាត់ជាដើម។
ចំណុចខុសគ្នាមួយទៀតគឺថា ការគូសវាសខុសលើក្រដាសនោះគឺយើងអាចលុបចោលវាបានប្រសិននៅផ្ទៃ រុក្ខជាតិផ្សិតវិញវាពិតជាមិនអាចប្រហែសបានដូចការគូសវាសលើ ក្រដាសបានឡើយ។ តែលោក កូរី ក័រកូរ៉េន ពិតជាសម្រេចបាននូវស្នាដៃដ៏កម្រនេះបាន។ ការគូសនៅលើផ្សិតសោះ លោកអាចច្នៃវាឲ្យមានសភាពជារូបភាពស្រមោល សត្វល្អិតមនុស្ស រុក្ខជាតិ ព្រៃព្រឹក្សា និងគំនូរអរូបីផ្សេងៗដែលប្រើប្រាស់រុក្ខជាតិ វល្លិ និងនិមិត្តរូបផ្សេងៗមកគូសឆ្លាក់លើផ្សិត។
ស្នាដៃលើផ្សិតរបស់លោកមានទំហំ 15 ទៅ៦០សង់ទីម៉ែត្រ៕ប្រភព៖ http://www.postkhmer.com/
