យ៉ាងហោចណាស់មនុស្សចំនួន៤៣នាក់ និង៣នាក់ផ្សេងទៀតរងរបួស ត្រូវបានគេរាយការណ៍ បន្ទាប់ពីការរអិលបាក់ដី បានកប់ភូមិទាំងមូល នៅក្នុងខេត្តយុនណាន របស់ប្រទេសចិន។
ទូរទស្សន៍រដ្ឋចិន CCTV ផ្សាយថា ផ្ទះចំនួន១៦ នៅភូមិហ្កាវប៉ូ ក្នុងខណ្ឌហ្សេនស្យុង ត្រូវបានគ្របដោយដី ដែលបាក់ធ្លាក់ពីភ្នំ នៅម៉ោងប្រាមាណ៨ និង២០នាទី ព្រឹកថ្ងៃសុក្រទី១១ ខែមករា ឆ្នាំ២០១៣។
ខេត្តយុនណាន ដែលនៅជាប់មីយ៉ាន់ម៉ា ថៃ ឡាវនិងវៀតណាម ជាតំបន់ក្រីក្រមួយរបស់ចិន ដោយផ្ទះជនបទត្រូវបានសាងសង់អន់ៗ។ ភូមិហ្កាវប៉ូ ល្បីខាងដាំដំណាំថ្នាំជក់ និងជាតំបន់ដាំតែ ប៉ុន្តែសណ្ឋានដីភ្នំនេះ ងាយនឹងជួបការបាក់ជ្រាលដី និងរញ្ជួយដី៕
