កិច្ចប្រជុំពេញអង្គគណៈរដ្ឋមន្ត្រី ដែលធ្វើឡើងក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រ កម្ពុជា នាព្រឹកថ្ងៃទី១៨ ខែមករា ឆ្នាំ២០១៣ បានពិនិត្យ និងអនុម័ត ឆ្លងលើសេចក្តីព្រាងព្រះរាជ ក្រឹត្យ និងអនុក្រឹត្យមួយចំនួន។
កិច្ចប្រជុំពេញអង្គគណៈរដ្ឋមន្ត្រីបានសម្រេចអនុម័តនូវ៖
I- សេចក្តីព្រាងព្រះរាជក្រឹត្យ ស្តីពីការបង្កើតក្រុមប្រឹក្សាជាតិអភិវឌ្ឍន៍យុវជន និងសេច ក្តី ព្រាងអនុក្រឹត្យ ស្តីពី ការរៀបចំ និងការប្រព្រឹត្តទៅរបស់ក្រុមប្រឹក្សាជាតិអភិវឌ្ឍន៍យុវជន ច្បាប់ស្តីពីការអប់រំ ត្រូវបានប្រកាសឱ្យប្រើតាមព្រះរាជក្រមលេខ នស/រកម/១២០៧/០៣២ ចុះថ្ងៃទី០៨ ខែធ្នូ ឆ្នាំ ២០០៧។
ស្របតាម ស្មារតីច្បាប់ ស្តីពី ការអប់រំ ក៏ដូចជាអនុវត្តតាមយុទ្ធសាស្ត្រចតុកោណរបស់រាជ រដ្ឋា ភិបាល និងដើម្បីឆ្លើយតបទៅនឹងការយកចិត្តទុកដាក់ខ្ពស់របស់សម្តេច អគ្គមហាសេ នា បតីតេជោ ហ៊ុន សែន ចំពោះយុវជនក្រសួងអប់រំ យុវជន និងកីឡា បានកសាងគោលន យោបាយជាតិ ស្តីពី ការអភិវឌ្ឍន៍យុវជនកម្ពុជា ដែលទទួលបានឯកភាពពីគណៈរដ្ឋមន្ត្រីក្នុងសម័យប្រជុំពេញអង្គ នាថ្ងៃទី២៤ ខែមិថុនា ឆ្នាំ២០១១ ។
ក្នុងគោលបំណងជំរុញ ការអនុវត្តគោលនយោបាយជាតិ ស្តីពីការអភិវឌ្ឍន៍យុវជនកម្ពុជា ឱ្យទទួលបានជោគជ័យ ក្រសួងអប់រំ យុវជន និងកីឡា បានរៀបចំសេចក្តីព្រាងព្រះ រាជ ក្រឹត្យ ស្តីពី ការរៀបចំ និងការប្រព្រឹត្តទៅរបស់ក្រុមប្រឹក្សាជាតិកម្ពុជា ដើម្បីអភិវឌ្ឍយុវជន និងសេចក្តីព្រាងអនុក្រឹត្យ ស្តីពី ការរៀបចំ និងការប្រព្រឹត្តទៅរបស់អគ្គលេខាធិការដ្ឋាន នៃក្រុមប្រឹក្សាជាតិកម្ពុជា ដើម្បីអភិវឌ្ឍយុវជន។
សេចក្តីព្រាង ព្រះរាជក្រឹត្យនេះ កំណត់អំពីការរៀបចំ និងការប្រព្រឹត្តទៅរបស់ក្រុមប្រឹក្សាជាតិកម្ពុជា ដើម្បីអភិវឌ្ឍយុវជន ដែលសរសេរជាអក្សរកាត់ថា ក.ជ.យ ដើម្បីជាយន្តការសម្របសម្រួល តាមដាន វាយតម្លៃ និងជួយរាជរដ្ឋាភិបាល អំពីដំណើរការអភិវឌ្ឍន៍យុវ ជន ឱ្យ ឆ្លើយតបទៅនឹងច្បាប់ស្តីពីការអប់រំ និងគោលនយោបាយជាតិ ស្តីពី ការអភិវឌ្ឍន៍យុវជនកម្ពុជា ។
សេចក្តីព្រាងអនុក្រឹត្យនេះ កំណត់អំពីការរៀបចំ និងការប្រព្រឹត្តទៅរបស់អគ្គលេខា ធិ កា រដ្ឋាននៃក្រុម-ប្រឹក្សាជាតិ កម្ពុជា ដើម្បីអភិវឌ្ឍយុវជន ដែលហៅកាត់ថា អគ្គលេ ខា ធិ ការដ្ឋាន ក.ជ.យ. ។ អគ្គលេខាធិការដ្ឋាននេះ នឹងដើរតួជាសេនាធិការការងារឱ្យក្រុមប្រឹក្សាជាតិកម្ពុជា ដើម្បីអភិវឌ្ឍយុវជន ដែលមាននាយករដ្ឋមន្ត្រីនៃព្រះរាជាណាចក្រកម្ពុជា ជាប្រធាន។
II-សេចក្តីព្រាងអនុក្រឹត្យ ស្តីពីការផ្តល់ឋានៈសាស្ត្រាចារ្យក្នុងវិស័យការពារជាតិ អនុក្រឹត្យនេះ រៀបចំឡើងដោយក្រសួងការពារជាតិ មានគោលបំណងលើកកម្ពស់គុណវុឌ្ឍិដល់គ្រូ បង្រៀន/យោធាចារ្យ ដើម្បីរួមចំណែកអភិវឌ្ឍការបណ្តុះបណ្តាលធនធានមនុស្សនៅតាម គ្រឹះស្ថានឧត្តមសិក្សាចំណុះក្រសួងការពារជាតិឱ្យមានគុណភាពខ្ពស់។
សេចក្តីព្រាងអនុក្រឹត្យនេះមានគោលដៅ ដូចខាងក្រោម៖
-រៀបចំនីតិវិធី និងយន្តការសម្រាប់ការប្រឡងជ្រើសរើសសាស្ត្រាចារ្យ និងផ្តល់ឋានៈសា ស្ត្រា ចារ្យ
- កំណត់លក្ខខណ្ឌរបស់បេក្ខជន ដែលអាចប្រឡងជ្រើសរើសជាសាស្ត្រាចារ្យជំនួយ សា ស្ត្រាចារ្យរង និងសាស្ត្រាចារ្យ។ អនុក្រឹត្យនេះ មានវិសាលភាពអនុវត្តចំពោះគ្រូបង្រៀន/យោ ធាចារ្យ នៅតាមគ្រឹះស្ថានឧត្តមសិក្សាចំណុះក្រសួងការពារជាតិ ដែលមានគោល បំ ណងទទួលឋានៈសាស្ត្រាចារ្យជំនួយ សាស្ត្រាចារ្យរង និងសាស្ត្រាចារ្យ ក្នុងវិស័យការ ពារ ជាតិ នៃព្រះរាជាណាចក្រកម្ពុជា។
សេចក្តីព្រាងអនុក្រឹត្យ ស្តីពី ការផ្តល់ឋានៈសាស្ត្រាចារ្យក្នុងវិស័យការពារជាតិមាន ៧ជំពូក ២៥មាត្រា។
III- សេចក្តីព្រាងកម្មវិធីវិនិយោគសាធារណៈ បីឆ្នាំរំកិល ២០១៣-២០១៥ គោលបំណងសំ ខាន់នៃ កម្មវិធីវិនិយោគសាធារណៈ (ក.វ.ស) បីឆ្នាំរំកិល ២០១៣-២០១៥ គឺធ្វើការ បង្ហាញពីទិន្នន័យគម្រោងវិនិយោគដែលមានអាទិភាពខ្ពស់របស់ក្រសួង ស្ថាប័ន នៃរាជរដ្ឋាភិបាលកម្ពុជា ដែលជាគោលនយោបាយមានចែងនៅក្នុង យុទ្ធសាស្ត្រចតុកោណ ដំណាក់កាលទី២ និងជាផែនទីចង្អុលផ្លូវ សម្រាប់ការអនុវត្តគោលនយោបាយ ដែលមានចែងក្នុងផែនការយុទ្ធសាស្ត្រអភិវឌ្ឍជាតិ (ផ.យ.អ.ជ) បច្ចុប្បន្នកម្ម ២០០៩-២០១៣ ដែលទទួលបានអនុម័តដោយស្ថាប័ននីតិប្បបញ្ញត្តិ កាលពីថ្ងៃទី៣១ ខែឧសភា ឆ្នាំ២០១០។ ការងារទាំងនេះ គឺជាអាទិភាពតែមួយគត់ដែលអាចផ្តល់នូវផលប្រយោជន៍ចំពោះមុខ និងយូរអង្វែងក៏ដូចជាផ្តល់ នូវបណ្តាញសុវត្ថិភាពសង្គមដ៏ឆាប់រហ័ស សម្រាប់ប្រជាជនក្រីក្រដែលភាគច្រើនរស់ នៅតំបន់ជនបទ ព្រមទាំងអាចបង្កើននូវអំណាចទិញ និងសុខុមាលភាពរបស់ពួកគាត់ ធានានូវចីរភាពកំណើនសេដ្ឋកិច្ច និងជម្រុញការធ្វើពិពិធកម្ម និងពង្រីកមូលដ្ឋានសេដ្ឋកិច្ចឱ្យបានទូលាយជាងមុន។
ក្នុង គោលបំណង ធ្វើឱ្យសម្រេចបាននូវកំណើនសេដ្ឋកិច្ច (ផសស) ក្នុងកម្រិតប្រមាណ ៧% ក្នុងកម្មវិធីវិនិយោគសាធារណៈ (ក.វ.ស) បីឆ្នាំរំកិល ២០១៣-២០១៥ ធនធានប្រ មាណ ៦៥% នឹងត្រូវបានធ្វើការវិភាជសម្រាប់ការវិនិយោគនៅតំបន់ជនបទ។
កម្មវិធីវិនិ យោគ សាធារណៈ (ក.វ.ស) បីឆ្នាំរំកិល ២០១៣-២០១៥ ត្រូវបានរៀបចំឡើងដោយក្រសួងផែនការ និងមានកិច្ចសហប្រតិបត្តិការពីក្រសួងសេដ្ឋកិច្ច និងហិរញ្ញវត្ថុ ឧត្តមក្រុមប្រឹក្សាសេដ្ឋកិច្ចជាតិ និងគណៈកម្មាធិការនីតិសម្បទា និងអភិវឌ្ឍកម្ពុជា មានតម្លៃទុនសរុបប្រមាណ ៤.៣៦២ លានដុល្លារអាមេរិក៕
